Удирдлагын академи зэргийн сургалтын хөтөлбөрүүдийнхээ чанарыг шат дараатайгаар баталгаажуулж, үндэсний болон олон улсын түвшинд магадлан итгэмжлэгдлээ.

Нэр

Удирдлагын академи зэргийн сургалтын хөтөлбөрүүдийнхээ чанарыг шат дараатайгаар баталгаажуулж, үндэсний болон олон улсын түвшинд магадлан итгэмжлэгдлээ.

Өөр гарчиг

“Төрийн захиргаа” болон “Төрийн удирдлага” магистрын хөтөлбөрүүдээ олон улсын түвшинд 6 жилийн хугацаатай магадлан итгэмжлүүлж, дэлхийн боловсролын чанарын шалгуурт нийцсэн сургалт, судалгааны байгууллага болохоо бататгав.

Огноо

2026.04.22

Төрөл

Баримт, зураг

Товч тайлбар

Удирдлагын академи нь магистрын хөтөлбөрүүдээ олон улсын түвшинд магадлан итгэмжлүүлж, сургалтын чанар, стандартын хэрэгжилтээ дэлхийн түвшинд хүргэснээ баталгаажууллаа.



2023 оны 7 дугаар сарын 7-ны өдөр Улсын Их Хурлаас “Дээд боловсролын тухай хуулийг шинэчлэн баталснаар Их, Дээд сургуулийн эрэмбэ, чансааг тодорхойлох болсон. Иймээс Удирдлагын академи нь 2024 оны 10 дугаар сарын 1-ний өдөр “Төрийн захиргааны магистр”, “Төрийн удирдлагын магистр”, “Төрийн удирдлагын доктор” хөтөлбөрүүд БМИҮЗ-өөс 5 жилийн хугацаатай магадлан итгэмжлэгдсэн. Удирдлагын академийн зэргийн сургалтын хөтөлбөрүүд нь төрийн захиргаа, удирдахуйн ухааны онолын мэдлэгийг эзэмшүүлэх, нийгмийн олон талт харилцааг удирдан манлайлах ур чадвар болон мэргэжлийн цогц чадамжийг журамласан болон мета танин мэдэхүйн түвшинд эзэмшүүлж байна.



Боловсролын ахисан түвшний зэргийн сургалтын хөтөлбөрүүдийн чанарын баталгаажуулалтыг шат дараатайгаар хэрэгжүүлсний үр дүнд Удирдлагын академи нь 2025 оны 12 дугаар сарын 1-ний өдөр “Төрийн захиргаа” болон “Төрийн удирдлага” магистрын хөтөлбөрүүдээ олон улсын түвшинд 6 жилийн хугацаатай магадлан итгэмжлүүлж, дэлхийн боловсролын чанарын шалгуурт нийцсэн сургалт, судалгааны байгууллага болохоо бататгав.



Олон улсын болон БМИҮЗ-ийн хамтарсан магадлан итгэмжлэлийн гэрчилгээг гардан авах ёслолын арга хэмжээ 2026 оны 4 дүгээр сарын 22-ны өдөр амжилттай зохион байгуулагдаж, Удирдлагын академи гэрчилгээгээ албан ёсоор гардан авлаа. Уг үйл явдал нь Монгол Улсын төрийн удирдлага, төрийн захиргааны салбарын хөгжлийг нэг шат ахиулж, олон улсын хамтын ажиллагааг өргөжүүлэх, академик нэр хүндийг нэмэгдүүлэх чухал ач холбогдолтой юм.

Агуулга

Гадаад харилцаа

Хамтын ажиллагаа

Тэмдэглэлт үйл явдал

Сургуулийн орчин, нөхцөл

Холбоотой баримт

Удирдлагын академийн “Төрийн захиргаа”, “Төрийн удирдлага”-ын магистрын хөтөлбөрийг магадлан итгэмжлэх олон улсын шинжээчдийн баг ажиллалаа